“Djepi” që nuk ia çoi sinjalin priftit për të miturin e braktisur
Një foshnjë e porsalindur u gjend e pajetë në jashtë kishës së San Giovanni Battista në Bari.
Foshnja, që besohet të ishte rreth një muajshe, e seksit mashkull, u braktis në një “djep” që ndodhej jashtë kishës. Famullitari, Antonio Ruçia, tha për mediat italiane se kur dikush lë një foshnjë në një “djep dixhital”, duhet të funksiojë menjëherë alarmi.
“Unë isha në Romë, por në celularin tim nuk mbërriti asnjë alarm”, tha ai.
Fëmija i vdekur u zbulua nga një drejtor funerali që po kalonte aty pranë. Ai njoftoi menjëherë priftin, i cili thirri policinë lokale, e cila bëri zbulimin e frikshëm.
Pasi një foshnjë vendoset në “djep”, një sistem supozohet të aktivizohet automatikisht dhe një alarm është menduar të dërgohet në celularin e priftit, sipas CNN. Është e paqartë nëse sistemi i alarmit nuk funksinoi apo nëse foshnja ishte e vdekur kur ishte braktisur.
Hera e fundit që u përdor “djepi” ishte në dhjetor 2023, me një vajzë të vogël të quajtur Maria Grazia.
Këto “krevate fëmijësh” gjenden në të gjithë Italinë, në kisha dhe spitale, sipas CNN. Qëllimi i tyre është të ndihmojnë gratë që duan të heqin dorë nga foshnjat e tyre në mënyrë anonime.
Kjo praktikë daton në shekullin e 13-të, kur gratë i linin foshnjat në një rrotë të ndërtuar në një mur kishe. Kjo praktikë ka ekzistuar deri në vitet 1950 në Itali dhe u zëvendësua me një ligj që lejonte gratë të lindnin në mënyrë anonime në spitale pa u përballur me pasoja ligjore. /teshesh.com/
