Ushtria izraelite vret të paktën 20 persona në Gaza që nga agimi

Të paktën 20 palestinezë janë vrarë në sulme të ushtrisë izraelite në Rripin e Gazës që nga orët e para të mëngjesit të sotëm, kanë bërë të ditur burime mjekësore lokale.

Në qytetin Khan Younis, në jug të Gazës, një sulm ajror izraelit ka lënë të vrarë të paktën 10 persona, mes tyre edhe shtatë fëmijë. Pamjet nga vendi i ngjarjes tregojnë për shkatërrime të mëdha dhe përpjekje të dëshpëruara të banorëve për të shpëtuar të mbijetuarit nën rrënoja.

Ndërkohë, në qytetin Rafah, po ashtu në jug të territorit të bllokuar, një palestinez humbi jetën dhe katër të tjerë u plagosën pas bombardimit të një grupi civilësh.

Situata në Gaza mbetet jashtëzakonisht e rëndë, ndërsa komuniteti ndërkombëtar vazhdon të bëjë thirrje për ndalimin e menjëhershëm të dhunës dhe për mbrojtjen e civilëve.

Fëmijë të vrarë në sulmin ajror izraelit në Masakrën Al-Shuja’iya, në qytetin lindor të Gazës