Korçë, shiste kokainë në lagjet e qytetit, arrestohet 35 vjeçari

Një 35 vjeçar u arrestua në flagrancë pasi u kap teksa shpërndante doza kokaine në lagje dhe ambiente lokalesh në qytetin e Korçës.

I riu u ndalua teksa ishte në makinë në lagjen nr. 4 Korçë ku dhe dyshohet se shiste lëndën narkotike.

KLIKO: VIDEO

Gjatë kontrollit të automjetit dhe kontrollit fizik të ushtruar ndaj shtetasit D. L., shërbimet e Policisë gjetën dhe sekuestruan një sasi lënde e dyshuar narkotike kokainë e ndarë në doza, gati për shitje.

Arrestimi i tij u krye në kuadër të operacionit “Porosia” ndërsa është sekuestruar sasia e lëndës narkotike e ndarë në doza, tre aparatet celular dhe automjeti që ky shtetas përdorte për të shpërndarë lëndën narkotike u sekuestruan në cilësinë e provës materiale.

D.L banues në Korçë u arrestua për veprën penale “Prodhimi dhe shitja e narkotikëve”.