Arrestohet ish-drejtoresha e Spitalit Rajonal Dibër/ Përndiqte drejtorin aktual të spitalit, kryetar i Partisë Socialiste
Ish drejtoresha e spitalit Rajonal të Dibrës, Irini Shehu, e cila u shkarkua nga kjo detyrë pak javë më parë është arrestuar pasditen e sotme.
Prokuroria ka urdhëruar arrestimin e Irini Shehut, pasi ka përndjekur drejtorin aktual të Spitalit Rajonal Dibër, Rruzhdi Deda që e pasoi në detyrë, ky i fundit është kryetar i Partisë Socialiste.
Këtë të enjte, Shehu është paraqitur tek spitali, gjë të cilën e kishte të ndaluar. Mësohet se edhe gjatë ditës së sotme ka patur përplasje me punonjës të spitalit.
Njoftimi i policisë/ Dibër
Specialistët për Hetimin e Krimeve të Komisariatit të Policisë Dibër, arrestuan në flagrancë shtetasen I.Sh., 44 vjeçe, banuese në Peshkopi, pasi dyshohet se ka përndjekur shtetasin R.D.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprën penale “Përndjekja”.
