Afrim Gashi pritet të japë dorëheqje nga posti i kryetarit të Parlamentit dhe të largohet nga qeveria

Burime të afërta me kryetarin e Lëvizjes Alternativa, Afrim Gashi, bëjnë të ditur se ai është shumë pranë vendimit për të dhënë dorëheqje nga posti i kryetarit të Kuvendit të Maqedonisë së Veriut dhe për t’u tërhequr nga bashkëqeverisja me koalicionin e udhëhequr nga VMRO-DPMNE.

Shkak për këtë vendim pritet të jetë zhgënjimi dhe pakënaqësia e thellë e Gashit me mënyrën se si partnerët e koalicionit, konkretisht VMRO-DPMNE dhe lideri i saj Hristijan Mickoski, po e trajtojnë çështjen shqiptare në institucionet shtetërore. Sipas burimeve, Gashi nuk është i gatshëm të qëndrojë në një qeveri që sipas tij po i nëpërkëmb të drejtat e shqiptarëve, po i margjinalizon përfaqësuesit e tyre dhe po përpiqet t’i mbajë ata vetëm në rol dekorativ.

Gjendja aktuale politike ka krijuar një klimë të rënduar, ku duket qartë se vendimmarrja dominohet nga interesat e njëanshme dhe mungon vullneti për barazi të vërtetë mes bashkësive. Pikërisht për këtë arsye, Gashi konsideron se qëndrimi i tij në poste të larta shtetërore, në këto rrethana, do të ishte jo vetëm i padobishëm, por edhe në kundërshtim me parimet politike të Alternativës.

I JUAJI CINI CINI JASIN JUSUFI 17.05.2025