Faton Ahmeti: Për 23 vite me radhë, ai nuk ka marrë pushtet, por legjitimitet, dhe jo nga koalicionet, por nga vota e shqiptarëve!
Sekretari i BDI-së, Faton Ahmeri njëherit edhe kryetar i degës së Tetovës, ka përshkruar rrugëtimin e Ali Ahmetit si një sukses të jashtëzakonshëm për politikën shqiptare në këto 23 vite duke shtuar se Ali Ahmeti për 23 vite me radhë nuk ka marrë pushtet, por legjitimitet, dhe jo nga koalicionet, por nga vota e shqiptarëve, shkruan Top24
Ali Ahmeti – Emri që nuk shkruhet, por gdhendet në historinë politike të shqiptarëve në Maqedoni.
Për 23 vite me radhë, ai nuk ka marrë pushtet, por legjitimitet, dhe jo nga koalicionet, por nga vota e shqiptarëve!
Ai nuk është produkt i kalkulimeve politike, por i lëvizjes kombëtare – njeriu që solli dinjitetin shqiptar duke luftuar padrejtësinë historike.
Nga 0.2% përfaqësim në administratë, deri në Kryeministrin e parë shqiptar.
Nga mohimi total, në garant të dinjitetit kombëtar!
Mund t’i pengojë kujtdo, por realiteti është ky: pa Ali Ahmetin dhe Marrëveshjen e Ohrit, Maqedonia e sotme nuk do të ekzistonte në këtë formë.
Pa shqiptarët dhe pa vizionin politik të Ali Ahmetit, ky shtet nuk do të kishte stabilitetin që e mban ende sot.
Kjo nuk është thjesht histori – por fakt politik që asnjë propagandë nuk mund ta zhbëjë!
