“Mrekullitë thyen ligjet e natyrës, por nuk ndryshuan dot psikikën e njerëzve” – Hoxhë Halil Avdulli
Musai, paqja qoftë mbi të, ishte pejgamber i mbeshtetur me një mori mrekullishë “Ne i patem dhënë atij nëntë prova të qarta”.
Njihet gjithashtu si pejgamberi që komunikojë mesazhin në formën më të mirë, me gjithë ate nuk pati ndryshime të thella në psikikën dhe moralin e njerëzve…
Vështirësitë që ju shkaktuan prej atyre që i shpëtoi nga Faraoni ishin jo më pak se vështirësitë e vetë Faraonit.
Pra, problemi i Musait nuk ishin vetëm autoriteti e pushteti tiran i Faraonit, por edhe bashkësia e përgjithshme e njerëzve që u dërgua t’i shpëtoi, prandaj u desh komunikim i shpesht me Zotin pa ndonjë ndërmjetës “O Musa, unë jam Allahu, Zoti i botëve” vargje që inspirojnë se ky komunikim ndodhi më shumë se një herë.
Nuk ishte problemi se Faraoni dhe pasuesit e tij nuk ju besuan provave, problemi ishte tek njerëzit e shtypur nga Faraoni që as ata nuk ju besuan të njëjtave prova që u dërguan për t’i mbështetur dhe shpëtuar atë!
Në një moment të ndjenjës së hidhrimit dhe pamundësisë për të ndryshuar, Musai hodhi fletushkat dhe në mënyrën më të ashpër qortoj vëllain e tij.
Por, më pas e pranoi faktin që mrekullitë mund t’i thyejnë ligjet e natyrës, por nuk i thejnë dot ato që janë në karakterin e njerëzve…
Kushdo që nuk ndryshon nga mrekullitë, atëherë koha dhe bredhja kot, janë të mjaftueshme për të ose është vdekja ajo që ja kallxon qefin përgjithmonë.
Hoxhë Halil Avdulli
