“Prej dibranëve për dibranët” – Hekuran Duka mirëpret mërgimtarët me koncert madhështor
Kryetari i Dibrës, Hekuran Duka ka njoftuar se më 29 korrik 2025, në Dibër do të mbahet koncert madhështor “Prej dibranëve për dibranët”, me të cilën i dëshirohet mirëseardhje mërgimtarëve, njofton Top24.mk
“MIRËSEVINI MËRGIMTARË!
Festë në Dibër për nder të juaj që gjithmonë e mbani vendlindjen në zemër!
Komuna e Dibrës ka kënaqësinë t’ju ftojë në koncertin madhështor “Prej Dibranëve për Dibranët”, që organizohet posaçërisht për nder të mërgimtarëve tanë nga SHBA, Europa dhe gjithandej botës, të cilët këto ditë kthehen në atdhe.
Shëtitorja e qytetit “Vehbi Dibra” – Dibër e Madhe
E martë, 29 korrik 2025
Ora 19:30Në këtë mbrëmje do të ngjiten në skenë artistë të njohur dibranë nga të gjitha trevat dhe diaspora, për të sjellë këngë, muzikë dhe emocione që na bashkojnë të gjithëve.
Artistët pjesëmarrës:Liri Rasha, Arif Vladi, Vera Laci, Valbona Halili, Shkodran Tolaj, Haxhi Maqellara, Ingrit Jushi, Fatjon Dervishi, Qanije Skenderi, Tiron Alili, Besiana Mehmedi, Muharem Borova, Dritan Jashari, Muharem Hoxha, Klea Çutra dhe Sh.K.A “Dibra e Madhe”.
Në emër të Komunës së Dibrës, ju urojmë mirëseardhje të ngrohtë në vendlindje – jeni gjithmonë pjesë e zemrës dhe jetës sonë këtu!
