Pasholli e ashpër ndaj Mickoskit: Nuk mund ta diktosh opozitën sipas agjendës suaj të mbrapshtë
Deputetja e BDI-së, Arbana Pasholli ka reaguar ndaj deklaratës së kryeministrit Hristijan Mickoski duke i thënë se nuk mund ta diktojë opozitën në bazë të agjendës së tij të mbrapshtë, njofton Top24
“Kryeministri duhet ta kuptojë njëherë e mirë se nuk mund të diktojë opozitën dhe punën e Kuvendit sipas agjendës së tij të mbrapshtë!
Nuk mund të flasë për “harmonizim” kur ne nuk kemi qenë as pjesë e tryezës për ndryshimet në Kodin Zgjedhor.
Për sa kohë kjo qeveri dhe kjo shumicë parlamentare funksionojnë mbi parimin e përjashtimit, nuk mund të presin nga opozita që tu japë “amin” vendimeve, siç bën pseudo-partneri i tyre aktual qeverisës”, shkruan Pasholli.
