Ali Ahmeti : Pa shqiptarët nuk ka shtet stabil, dhe vetëm në partneritet me të gjitha komunitetet mund ta ndërtojmë një të ardhme europiane
Kryetari i BDI-së, Ali Ahmeti ka ndarë fotografi nga Akademia e sotme dhe ka dërguar mesazhin e fuqishëm se pa shqiptarët nuk ka stabilitet në Maqedoni, njofton Top24
“Sonte, në Akademinë Solemne për 24-vjetorin e Marrëveshjes së Ohrit, theksova se ky dokument historik është garancia e paqes, stabilitetit dhe integrimit europian të vendit.
Shqiptarët dhe maqedonasit kanë ndarë përgjegjësinë për të ndërtuar një shtet të përbashkët dhe të qëndrueshëm. Sot, më shumë se kurrë, kemi nevojë për respektim të plotë dhe të sinqertë të kësaj marrëveshjeje që po sulmohet çdo ditë, për institucione të pastra dhe politikanë me integritet, ndaj procesi i vetingut është domosdoshmëri për ta forcuar besimin e qytetarëve.
Pa shqiptarët nuk ka shtet stabil, dhe vetëm në partneritet me të gjitha komunitetet mund ta ndërtojmë një të ardhme europiane. Besëlidhja jonë është për paqe, dinjitet, barazi, dialog dhe drejtësi”, shkruan Ahmeti.
