Bujar Osmai takon sportistët në Çair, prezanton projektet për sportin
Si mjek, e di më së miri sa i rëndësishëm është sporti për zhvillimin e shëndetshëm të të rinjve. Si diplomat, po ashtu e di shumë mirë sa i rëndësishëm është sporti për promovimin e shtetit dhe komunës.
Para një salle të mbushur me sportistë dhe punëtorë të sportit nga Çairi, dje pata mundësinë të prezantoj vizionin tim, por edhe një program të detajuar për zhvillimin e sportit në Çair. Ja projektet dhe idetë kryesore:
Revitalizimi i sallave sportive dhe fushave egzistuese të gjitha sallave sportive: “Enver Idrizi” , “Vasil Glavinov”, “Imri Elezi” dhe “Liria”. Legalizimi dhe rikonstruksioni i “Shaban Tërstena” dhe transformimi i “Partizanit” në qendër sportive multifunksionale Shaban Sejdiu. Ndërtimi i një salle të re Aziz Saliu – për shkollën që deri më tani nuk ka pasur sallë. Fusha të reja të hapura sportive në Gazi Babë, Serovë dhe F.Topanë, si dhe rregullimi i oborreve të shkollave fillore me përmbajtje sportive-rekreative. Bursa dhe mbështetje financiare për sportistët e rinj me talent dhe klubet sportive. Themelimi i klubit të gjimnastikës, atletikës dhe xhudos.(Këto sporte mungojnë në Çair) Specializimi i shkollave sipas sporteve: “Liria” – mundje, “Shaban Tërstena” – basketboll, “7 Marsi” – hendboll, Ismail Qemali-Volejboll; Imri Elezi – Karate, Qendra multifunksionale: Partizan (Shaban Sejdiu)- Gjimnastik, boks, atletik, xhudo, mundje Organizimi i “Javës së Sportit”, ligave sportive shkollore, turneve dhe një olimpiadë të vogël komunale. Programe sportive të qasshme për personat me aftësi të kufizuara, gratë dhe të moshuarit.Ndihmë për klubet sportive në aplikimin për fonde europiane: Trajnime dhe workshop-e për njohjen e programeve të financimit, kritereve dhe afateve të aplikimit; Asistencë teknike në përgatitjen e projekt-propozimeve, buxheteve dhe dokumentacionit të nevojshëm; Ndërmjetësim për partneritete ndërkombëtare me klube dhe organizata sportive nga vendet e BE-së për të zhvilluar projekte të përbashkëta. Qendër për kërkime në sport, që integron shkencën,edukimin fizik dhe shëndetin për të ndikuar pozitivisht në zhvillimin social përmes sportit. Si dhe trajnime për alpinizëm, kamping dhe aktivitete në natyrë.Faleminderit të gjithëve që erdhën në prezantim dhe dhanë kontribut në këtë program-propozim. Premtoj punë të pakompromis për kushte më të mira për sportistët dhe realizim të plotë të asaj që është premtuar.
