Uzairi: Kasami e Aziri erdhën për tu gënjyer sërish por dinjiteti i mjekëve, infermierëve dhe gjithë stafit të Spitalit të Tetovës nuk blihet me premtime boshe

Sekretari Organizativ i ASH-Taravarit, Gadaf Uzairi përmes një postimi ka reaguar ndaj premtimeve të djeshme nga ana ministrit Azir Aliu dhe kryetarit të komunës së Tetovës, Bilall Kasami. Në një postim të tij Uzairi shkruan se Azir Aliu dhe Bilall Kasami zbarkuan në Tetovë për të premtuar 70 milionë euro investim në Spitalin e Tetovës,shkruan Top24

Të dashur qytetarë dhe ju heronjtë e Spitalit të Tetovës, mos harroni: vetëm pak javë më parë i njëjti ministër ju tha “do merrni vendim dhe pikë”. Pikën e morët… vendimin jo!, shkruan Uzairi.]

Ai më tej shton se “E dimë, është fushatë zgjedhore… por të paktën, kur të gënjeni, mos e bëni aq trashë sa të ofendoni inteligjencën e qytetarëve. Sepse dinjiteti i mjekëve, infermierëve dhe gjithë stafit të Spitalit të Tetovës nuk blihet me premtime boshe.”