Ramadani e Veseli së bashku në Sfillare: Unë jam këtu për të dëgjuar, për të mësuar dhe për të punuar së bashku me ju
Kandidati i Aleancës Kombëtare për Integrim, për komunën e Sarajit, Blerant Ramadani i shoqëruar nga kryetari aktual dhe njëherit bartës liste Iljas Veseli sonte kanë takuar banorët e fshatit Svillare ku nga afër kanë dëgjuar kërkesat e tyre për ti sjellur Sarajit projektet konkrete, shkruan Top24
Së bashku me kryetarin aktual të komunës, Iljas Veseli bëmë një rrugëtim nëpër Svillaren e bukur, takuam familje, banorë dhe njerëz të jashtëzakonshëm që duan më shumë për vendin e tyre. Çdo buzëqeshje, çdo fjalë mirëpritëse më rikujtoi se forca e një komuniteti qëndron te njerëzit e tij, tek bujaria, solidariteti dhe dëshira për të ecur përpara.
Unë jam këtu për të dëgjuar, për të mësuar dhe për të punuar së bashku me ju, për të sjellë projekte konkrete që do ta bëjnë jetën më të lehtë dhe më të bukur për çdo familje në Svillare dhe në gjithë komunën e Sarajit.
