Ramadani e Bexheti: Emocione nga Saraji, fitorja jonë dhe dita e rikthimit të dinjitetit është afër

Saraji po bëhet epiqendra e fushatës politike shqiptare në prag të zgjedhjeve lokale të tetorit. Bashkimi Demokratik për Integrim (BDI) dhe Aleanca për Shqiptarët (ASH) po shihen gjithnjë bashkë, dhe kjo do të jetë garancë edhe e fitores së AKI-t në këtë komunë të Shkupit, njofton Top24

Figura të rëndësishme politike si kryetari aktual i Komunës së Sarajit, Iljas Vejseli, deputeti i zonës Blerim Bexheti, ish-deputeti Arben Ziberi, si dhe përfaqësues të lartë të degëve dhe strukturave të Aleancës Kombëtare për Integrim, janë parë bashkë, të mbështetur nga këshilltarë dhe bashkëpartiakë.

Përmes një njoftimi të përbashkët, Ramadani dhe Bexheti e përshkruajnë këtë moment si historik për bashkësinë politike shqiptare në Saraj:

“Saraji po bëhet simbol i bashkimit politik shqiptarë dhe vizionit fitues!
Bashkë me kryetarin aktual Iljas Vejseli, deputetin e zonës Blerim Bexheti, ish-deputetin Arben Ziberi, kryetarët e degëve dhe aktivin politik të Aleancës Kombëtare për Integrim, u takuam për të diskutuar dhe koordinuar bashkëpunimin tonë për zgjedhjet lokale në Saraj.
Ky bashkëpunim është dëshmi e përkushtimit tonë për të ndërtuar një vizion të përbashkët zhvillimor për komunën, duke i dhënë qytetarëve një ofertë serioze, të qëndrueshme dhe fituese.
Saraji meriton unitet politik, projekte konkrete dhe udhëheqje që punon për interesin e qytetarëve.
Me këtë frymë, ne po ndërtojmë një front të fortë dhe të bashkuar që do ta bëjë ndryshimin real në tetor.
Urime dhe suksese Senehat Murtezani për rolin e shefit të shtabit!”

Ky zhvillim vjen në një kohë vendimtare për skenën politike lokale, ku qytetarët e Sarajit presin qartësi dhe projekte konkrete nga përfaqësuesit e tyre politikë. Bashkimi mes dy forcave kryesore shqiptare në këtë komunë shihet si një mesazh i qartë për unitet dhe gatishmëri për të bashkëqeverisur me vizion të përbashkët.