Rinia e Tetovës jep mbështetje të madhe për Bajram Rexhepin – “Zëri që vendos, forca që udhëheq!”
Kandidati i BDI-së për kryetar të Tetovës, Bajram Rexhepi, ka zhvilluar një takim të ngrohtë dhe frymëzues me të rinjtë e qytetit, ku është pritur me shumë entuziazëm dhe energji pozitive.
Në një atmosferë plot besim dhe përkushtim ndaj së ardhmes, të rinjtë e Tetovës i dhanë mbështetjen e tyre një kandidati që po dëshmon me vepra se rinia nuk është në margjinë, por në qendër të vizionit të tij për qytetin.
Pas takimit, Bajram Rexhepi ka ndarë këtë mesazh përmes rrjeteve sociale:
“Të rinjtë, frymëzimi dhe fuqia jonë! Zëri që vendos, forca që udhëheq. E ardhmja u takon atyre! ✊🌟
#BashkëPërTetovën
#AleancaKombëtarePërIntegrim”
Ky takim ishte vetëm një tjetër dëshmi se rinia kërkon ndryshim të vërtetë – dhe e sheh këtë ndryshim te një udhëheqës që i dëgjon dhe i përfaqëson me dinjitet.
