Kryetari i Vrapçishtit Isen Shabani mori pjesë në manifestimin kushtuar ditëlindjes së Muhamedit a.s.

Mbrëmë, kryetari i Komunës së Vrapçishtit, Isen Shabani, së bashku me kryesuesin e Këshillit të Komunës, Emir Durmishi, morën pjesë në manifestimin e organizuar nga Bashkësia Fetare Islame në Maqedoninë e Veriut, me rastin e ditëlindjes së profetit Muhamed a.s.

Nga Komuna e Vrapçishtit theksojnë se kjo ditë është një kujtesë për dritën që solli Muhamedi a.s. për njerëzimin – shembull i dashurisë, mëshirës dhe mirësisë, që frymëzon njerëzit të jenë më të mirë ndaj njëri-tjetrit.

Manifestimi bashkoi shumë besimtarë dhe përfaqësues vendorë, duke u shndërruar në një ngjarje me mesazh të qartë të respektit dhe vlerave humane.