A ka vërtet një “dorë të zezë” pas zjarreve në Delvinë?
Deputeti i ri i zonës Ardit Bido, në pistën e “mafiozitetit njerëzor” si shkak
Pas-zjarret në Delvinë, ato që kërcënuan vetë qytetin në fillimjave, po shqërohen nga pretendime të forta konspiracioniste si zjarre të qëllimshme, ku pas tyre mund të fshihen dhe mafiozitete ekomike.
Edhe vetë deputeti i ri i zonës, Ardit Bido, ec në linjën e zjarreve të qëllimshme.
Në një reagim të fundit në rrjete, ky delvinjot shkruan:
“Le të flasim troç: një dorë e zezë rrezikoi Delvinën!
Kalaja e pamposhtur në beteja me armiq të shumtë, u dogj nga dora e strukturuar e njeriut.
Jo rastësi, por akt i qëllimshëm që vë në shënjestër jetën, pronën dhe natyrën e vendit tonë.
Hetimi i thelluar është i domosdoshëm, ndëshkimi i autorëve i pashmangshëm.
Na duhet ende vigjilencë!
Sepse vetëm syhapur mund t’i parandalojmë tragjeditë që të papërgjegjshmit mund të shkaktojnë”.
Nëse është vërtet kështu, situata shfaqet dhe më e rëndë, pasi “duart e zeza” të zjarreve mund t’i ndezin sërish ato.
Konspiracionin e ushqeu edhe më fort një video e cila shfaqte trungje ullinjsh që digjeshin por jo kurora e tyre, si dhe fakti se toka rreth tyre ishte krejtësisht e thatë dhe pa asnjë shenjë zjarri. /tesheshi.com/
