Ali Ahmeti kujton Arbër Xhaferin: Ishte, një vëlla i madh, një mik i urtë dhe një mendje e kthjellët që e donte kombin mbi gjithçka
Kryetari i Bashkimit Demokratik për Integrim, Ali Ahmeti sot në përvjetorin e 13 të ndarjes nga jeta të rilindasit të findit të shqiptarëve, Arbër Xhaferi, Ahmeti përmes një postimi ka kujtuar rrugëtimin me Arbër Xhaferin duke shënuar se ai gjatë luftës së vitit 2001, kur kombi kishte nevojë për unitet, ai ishte aty për të bashkërenduar veprimet tona, shkruan Top24
Ahmeti më tej shton se Xhaferi ishte një vëlla i madh, një mik i urtë dhe një mendje e kthjellët që e donte kombin mbi gjithçka.
Edhe pse kanë kaluar 13 vjet nga ndarja e tij nga jeta, mungesa e Arbën Xhaferit ndjehet njësoj.
Gjatë luftës së vitit 2001, kur kombi kishte nevojë për unitet, ai ishte aty për të bashkërenduar veprimet tona.
As pas luftës, takimet dhe bashkëpunimi ynë nuk u ndalën.
Shpesh më thoshte: “Më konsidero si vëlla të madh.” Dhe, ashtu ishte, një vëlla i madh, një mik i urtë dhe një mendje e kthjellët që e donte kombin mbi gjithçka.
I përjetshëm kujtimi për Arbën Xhaferin!
