Arsovska “godet” Ganiun dhe Kostovskin, hap diskutim publik për planin urbanistik për Çairin dhe Butelin
Qyteti i Shkupit, në kuadër të hartimit të Planit të ri Urbanistik të Përgjithshëm (GUP 2022–2032), organizon një diskutim publik me qëllim përfshirjen e qytetarëve në procesin e planifikimit dhe rregullimit të hapësirës, njoftuan nga atje, njofton Top24
“Diskutimi publik për zonat e komunave Çair dhe Butel do të mbahet më 20 gusht 2025 (e mërkurë) në sallën e Këshillit të Qytetit të Shkupit (baraka nr. 13). Për komunën Çair, diskutimi do të zhvillohet nga ora 09:00 deri në 11:00, ndërsa për komunën Butel nga ora 11:00 deri në 13:00.
Qytetarët mund të japin propozimet, mendimet dhe vërejtjet e tyre gjatë debatit publik, ose t’i dorëzojnë ato në formë të shkruar në arkivin e Qytetit të Shkupit (baraka nr. 16), ose elektronikisht në adresën [email protected].
Qyteti i Shkupit i fton të gjithë qytetarët e interesuar dhe përfaqësuesit e komunitetit të marrin pjesë aktive në këtë proces me interes publik”, thuhet në njoftim
