BDI: Edhe VLEN pranon, Çairi është në kaos, fajtor është Izet Mexhiti
Deklarata e bartësit të listës së VLEN në Çair për gjendjen “kaotike të infrastrukturës dhe vendbanimeve” nuk është zbulim i ri, është vetëm konfirmim i asaj që BDI e ka thënë vazhdimisht.
Çairi nuk është bërë kështu vetvetiu. Ka një fajtor të vetëm: Izet Mexhiti.
Prej vitit 2005, Mexhiti ka qeverisur me Çairin dhe e ka shndërruar në simbol të ndërtimeve pa leje, mbi 150 raste të dokumentuara.
Ai është autori i kaosit urbanistik dhe betonizimit të hapësirave të gjelbra.
Ai e ka shndërruar komunën në bankomat personal për pasurimin e tij dhe të familjes së tij, duke dëmtuar drejtpërdrejt buxhetin e qytetarëve.
Është paradoksale që sot kandidatët e VLEN flasin për “zgjidhje” ndërkohë që po mbrojnë dhe promovojnë pikërisht autorin e këtij kaosi.
Çairi ka nevojë për vizion, përkujdesje dhe integritet, jo për rikthimin e atyre që e sollën në këtë gjendje. Banorët e Çairit e dinë mirë kush e krijoi problemin dhe kush mund ta zgjidhë.
