Genta Vangjeli, ka denoncuar publikisht një rast abuzimi me detyrën nga një punonjës i strukturave të Policisë së Shtetit në fshatin Bradashesh, Elbasan. Sipas saj, banorët e ketij fshati kanë paraqitur një ankesë ndaj D. B., i cili akuzohet për bllokimin e hapësirës publike dhe pengimin e tre familjeve që të kalojnë në rrugën që të çon në banesat e tyre.
Zëdhënësja e Antikorrupsionit në Partinë Demokratike, Genta Vangjeli, ka denoncuar publikisht një rast abuzimi me detyrën nga një punonjës i strukturave të Policisë së Shtetit në fshatin Bradashesh, Elbasan.
Sipas deklaratës së Vangjelit, banorë të këtij fshati kanë paraqitur një ankesë ndaj D. B., i cili akuzohet për bllokimin e hapësirës publike dhe pengimin e tre familjeve që të kalojnë në rrugën që të çon në banesat e tyre.
Denoncimi vjen pas një kalvari të gjatë institucionesh dhe vendimesh që, sipas PD, janë shpërfillur nga i njëjti person.
“Tre herë është ndërhyrë për lirimin e rrugës, por përsëri hapësira është ribllokuar. Vendimi i IMT-së së Bashkisë Elbasan i datës 19.09.2020 ka urdhëruar qartësisht prishjen e ndërtimit të paligjshëm, por ai vazhdon të injorohet”, u shpreh Vangjeli.
Në deklaratën për mediat, Partia Demokratike i bën thirrje qeverisë dhe institucioneve të drejtësisë të marrin masa urgjente për lirimin e hapësirës publike dhe për ndëshkimin e personit përgjegjës.
“Qeverisja e Edi Ramës nuk siguron dot as të drejtën më themelore: kalimin në rrugën publike. Qytetarët presin me vite që gjykatat t’u njohin një të drejtë elementare,” përfundoi Vangjeli, duke bërë thirrje për “çlirimin e Shqipërisë nga padrejtësitë. Partia Demokratike do të jetë gjithmonë në shërbim të qytetarëve. Votoni nr. 1.” përfundon deklarata.
S.B/Shqiptarja.com
