Drejtori i Spitalit Kuvajtian në Gaza ngre alarmin për mungesën e barnave

Drejtori i Spitalit Kuvajtian në Rafah, Suhaib al-Hams, ka paralajmëruar për mungesë të theksuar të barnave dhe ushqimeve esenciale për pacientët pas dy muajsh bllokade nga Izraeli

Ai tha se sektori shëndetësor po përballet me mungesë të më shumë se 75 për qind të barnave esenciale, shumë prej të cilave janë jetëshpëtuese dhe mungesa e tyre po rrezikon drejtpërdrejt jetën e pacientëve

Al-Hams shtoi se stoku i mbetur i barnave dhe materialeve mjekësore mjafton për më pak se një javë dhe nëse nuk ndërhyhet menjëherë, shumica e shërbimeve mjekësore do të ndërpriten

Ai u bëri thirrje të gjitha palëve të përfshira që të veprojnë menjëherë për hapjen e kufijve për hyrjen e ndihmave mjekësore dhe humanitare, si dhe për evakuimin urgjent të pacientëve që po vdesin çdo ditë pa trajtim