Erkan Arifi reagon ndaj akuzave të pabaza kundër Hoxhë Jakup Asipit

Me keqardhje të thellë ndjekim deklaratat fyese dhe të pabazuara të pseudogazetarit, Asdren Shala, i cili në mënyrë të turpshme dëshiron t’a njëllos emrin e Hoxhë Jakup Asipit, i cili jo vetëm për komunën tonë e Maqedoninë e Veriut, por për të gjithë shqiptarët anembanë është një ndër figurat më të nderuara të kombit tonë.

Të quash një njeri të tillë “sharlatan” e “manipulator” është jo vetëm shpifje, por edhe fyerje ndaj gjithë neve që e njohëm ate nga afër, por edhe të gjithë ata miliona bashkëkombas që sot e kësaj dite dëgjojn ligjeratat e tij, pasi ai është ndër dijetarët e rrallë të kombit tonë e zëri i të cilit do të jehoj për jetë të jetëve deri sa të lind dielli.

Hoxhë Jakup Asipi nuk ishte veçse një prijës shpirtëror, por edhe një simbol qëndrese dhe dinjiteti.

Ai nuk fshihej pas flamurit të UÇK-së – ai e përfaqësonte atë me nder dhe guxim.

I bëj thirrje çdo qytetari të mos bjerë në grackën e gjuhës përçarëse.

Respekti për të ndjerët është detyrim moral dhe vlerë shoqërore.

Allahu e mëshiroftë Hoxhën tonë dhe sigurt se ai i ka dhën vend në Xhenet!

Me nderime,

Erkan Arifi