Francesca Albanese: “Asnjëherë nuk jam ndjerë kaq e tronditur”
Raportuesja speciale e OKB-së për të drejtat e njeriut në territoret palestineze, Francesca Albanese, ka reaguar me fjalë të forta ndaj krizës humanitare në Gaza, duke denoncuar vdekjen e fëmijëve nga uria si pasojë e bllokadës izraelite.
“Asnjëherë nuk jam ndjerë kaq e tronditur. Fëmijët po vdesin nga uria. Po bien njëri pas tjetrit, si petalet e një luleje që vyshket. Nën sytë tanë,” ka shkruar ajo.
Albanese ka drejtuar një kritikë të ashpër ndaj udhëheqësve botërorë: “Si flini gjumë, Presidentë, ministra të Jashtëm, liderë politikë, diplomatë, nëpunës shtetërorë – duke mos bërë asgjë për të ndalur fushatën e urisë të Izraelit?”
Ajo përfundon mesazhin me një deklaratë të qartë: “Të flasësh për politikë duke shmangur gjenocidin, përputhet plotësisht me përkufizimin e të mosbërit asgjë.” /mesazhi
