Ilire Dauti: Vetëm kur të vijë dita që gara të bëhet përmes krahasimit të arritjeve, ia kemi arritur si popull
Deputetja e Frontit për Europë, Ilire Dauti përmes një postimi në profilin e saj në FB ka shkruar se kur të vijë dita që gara të bëhet përmes krahasimit të arritjeve, ia kemi arritur si popull, duke përshkruar një sërë karakteristikash të politikanëve të sotëm, shkruan Top24
Perla politikanësh, punë zbrazur, gënjeshtra mbushur:
– Nuk ndjehemi fajtorë për atë që kemi bërë, por ajo që bëmë ishte gabim.
– Shqiptarët janë të pakënaqur me Qeverinë. Ne i përfaqësojmë ata, por vazhdojmë të qëndrojmë në Qeveri.
– Në zgjedhjet lokale, për shkak të “rëndësisë”, lejohet bashkëpunimi me këdo. Ndërsa në zgjedhjet parlamentare jo — edhe pse në politikat shtetërore vendoset edhe për komunat.
Ç’është ky turp?!
Ç’është kjo marrëzi?!
Ç’është kjo “kurajo” për garë, ku politikanët maten me gabimet — kush ka më shumë e më të rënda?!
Vetëm kur të vijë dita që gara të bëhet përmes krahasimit të arritjeve, ia kemi arritur si popull.
Deri atëherë, na duhen sy të mprehtë dhe gjykim i kthjellët.
Sepse mashtrimi vishet gjithmonë bukur!
