Ish-kreu i IKMT në Elbasan shpallet fajtor, GJKKO e dënon me 3 vite burg

Gjykata e Posaçme ka dënuar me nga 4 vite shërbim prove, dhe 5 vite heqje e të drejtës për të ushtruar funksione publike shtetasve Andri Mehja, ish-kryeinspektor i mbrojtjes së territorit në Elbasan dhe shtetasin Gentian Bako.

Fillimisht ata u dënuan me nga 3 vite por përfituan për shkak të gjykimit të shkurtuar dhe shlyerjes së një pjese të dënimit në paraburgim. Ata akuzohen për korrupsion pasiv teksa SPAK provoi zyrtari ka firmosur brenda të njëjtës ditë dy vendime administrative përkundrejt një rryshfeti prej 2.5 milionë lekësh.

Sipas SPAK, Mehja i mori paratë nga një qytetar që e denoncoi, me qëllim për të reduktuar masën administrative nga 17 milionë lekë në 5 milionë lekë të vjetra për të mos prishur objektin e ndërtuar pa leje.

NJOFTIMI I GJKKO: 

1. Prokuroria e Posaçme kundër Korrupsionit dhe Krimit të Organizuar ka paraqitur
pranë Gjykatës kërkesën me objekt: “Dërgimin në gjyq të çështjes penale, që i përket
procedimit penal nr. 94, të vitit 2024, në ngarkim të të pandehurve Andri Mehja dhe
Gentian Bako, të akuzuar për kryerjen e veprës penale “Korrupsioni pasiv i personave
që ushtrojnë funksione publike”, kryer në bashkëpunim të parashikuar nga neni 259
paragrafi i dytë dhe 25 të K.Penal”.

2. Gjykimi i kësaj ҫështje u zhvillua me rregullat e gjykimit të shkurtuar. Në përfundim
të gjykimit, Gjykata e Posaçme e Shkallës së Parë për Korrupsionin dhe Krimin e
Organizuar me trup gjykues të përbërë nga gjyqtarët Bib Ndreca, Erjon Bani dhe Rudina
Palloj, me vendimin Nr. 32, datë 25.04.2025 vendosi:

1. Deklarimin fajtor të të pandehurit Andri Mehja, për kryerjen e veprës penale të
“Korrupsioni pasiv i personave që ushtrojnë funksione publike”, kryer në
bashkëpunim të parashikuar nga neni 259 paragrafi i dytë dhe 25 të K.Penal, dhe
dënimin e tij me 3 (tre) vjet burgim.

2. Në aplikim të nenit 406/1 të K.Pr.Penale, i ulet 1/3 e dënimit duke u dënuar i
pandehuri përfundimisht me 2 (dy) vite burgim.

3. Në aplikim të neneve 30/1, 35, të Kodit Penal, dhënien e një dënimi plotësues,
heqjen e së drejtës për të pandehurin Andri Mehja, për të ushtruar funksione
publike, për 5 (pesë) vjet.

4. Bazuar në nenin 59 të Kodit Penal, urdhërohet pezullimi i ekzekutimit të
mëtejshëm të vendimit me burgim për të pandehurin Andri Mehja, duke u
detyruar që të mbajë kontakte me zyrën vendore të Shërbimit të Provës
Elbasan. Vënia në provë e të pandehurit për një periudhë kohe prej 4 (katër)
vitesh, me kusht që gjatë kohës së provës të mos kryejë vepër tjetër penale.