Kryeministri irakian: Projekti i Rrugës së Zhvillimit Türkiye-Irak, ndër më të rëndësishmit në Lindjen e Mesme

Kryeministri irakian, Mohammed Shia al-Sudani, e ka quajtur Projektin e Rrugës së Zhvillimit të udhëhequr nga Türkiye dhe Irakut si një nga “iniciativat më të rëndësishme në Lindjen e Mesme”, duke theksuar potencialin e projektit për të ri-formësuar lidhjen rajonale dhe integrimin ekonomik.

Duke folur në programin “Fokus: Marrëdhëniet Türkiye-Irak”, të organizuar nga Anadolu në selinë e saj në kryeqytetin Ankara, kryeministri irakian tha se qeveria e tij dëshiron që lidhjet midis dy vendeve të shërbejnë si një shtyllë e stabilitetit rajonal.

“Ne duam që lidhjet Türkiye-Irak të jenë pjesë e ekuacionit të stabilitetit rajonal”, tha Sudani, duke theksuar rëndësinë më të gjerë gjeopolitike të bashkëpunimit midis dy fqinjëve.

Sudani gjithashtu kritikoi kryeministrin e Izraelit dhe paralajmëroi për rritjen e tensioneve rajonale.

“Qeveria e Netanyahut po përpiqet ta tërheq rajonin në flakët e luftës”, tha Sudani.

Gjatë programit, Sudani ofroi një vlerësim gjithëpërfshirës të marrëdhënieve Türkiye-Irak, duke trajtuar dimensionet e tyre dypalëshe, rajonale dhe ndërkombëtare.

Rruga e Zhvillimit është një rrugë e rëndësishme tregtare që lidh Irakun dhe Türkiyen përmes hekurudhave, rrugëve, porteve dhe qyteteve.

Me një gjatësi prej 1.200 kilometrash, hekurudha dhe autostrada do të lidhin Portin e Madh Faw, i cili synon të bëhet porti më i madh në Lindjen e Mesme.