Lëvizja Antibixhoz thotë se është rritur numri i objekteve të lojërave të fatit

Lëvizja Antibixhoz thotë se është rritur numri i objekteve të lojërave të fatit. Sipas kësaj Lëvizje Qeveria nuk po i përfill kërkesat e saj për mbyllje të tërësishme të kazinove, edhe pse gjatë fushatës zgjedhore bixhozi ishte kryetemë.

“Ne nga lëvizja Antibixhoz, nëse nuk bëjmë politikë, nuk do të thotë se nuk i njohim rrethanat rreth nesh. Jemi në gjendje t’i kuptojmë disa veprime tuaja mirëpo nuk mund t’i arsyetojmë. Të nderuar, të sqarohemi se Lëvizja Antibixhoz nuk sjellë ligje por inicon dhe kërkon nga ju të mbroni qytetarin dhe votuesin, duke i mbyllur të gjitha objektet deri në sjelljen e ligjit të mirëfilltë konform kërkesave të lëvizjes Antibixhoz”, Jushi Emurllai – Lëvizja Antibixhoz.