Miçigani heq akuzat ndaj studentëve amerikanë pro-palestinezë

Prokurorja e Përgjithshme e Miçiganit, Dana Nessel, ka hequr akuzat ndaj shtatë studentëve protestues nga Universiteti i Miçiganit, duke përmendur vonesa ligjore dhe polemika që, sipas saj, e kanë kthyer çështjen në një “pikë përplasjeje të ashpër”.

Vendimi u mor të hënën dhe i jep fund një çështjeje që nisi në maj 2024, kur studentët – që u deklaruan të pafajshëm – u akuzuan për hyrje të paligjshme dhe kundërshtim ndaj një oficeri policie gjatë një proteste pro-palestineze në kampus.

“Ndjehemi të justifikuar që çështja u hodh poshtë,” tha Jamil Khuja, anëtar i ekipit mbrojtës. “Këta individë nuk kryen asnjë krim. Ata ushtruan të drejtën e tyre për të protestuar dhe për të shprehur mendimin politik në hapësirë publike.” /mesazhi