Mickoski pret që borxhi publik i shtetit të ulet edhe përskaj borxhit prej 6 miliardë eurosh nga Mbretëria e Bashkuar

Kryeministri Hristijan Mickoski pret që borxhi publik i shtetit të ulet edhe përskaj borxhit prej 6 miliardë eurosh nga Mbretëria e Bashkuar, të cilin e paralajmëroi pas marrëveshjes për partneritet strategjik mes të dyja vendeve. Ky partneritet sipas kryeministrit dhe ambasadorit britanez është niveli më i lartë i bashkëpunimit mes Maqedonisë së Veriut dhe Mbretërisë së Bashkuar dhe do të jetë i shtrirë në fushën e mbrojtjes, arsimit, shëndetësisë, kulturës, zhvillimit ekonomik dhe investimeve.

“Pres që Bruto Prodhimi Vendorë të rritet më shpejt se borxhi, kështu që pres që në kuptimin përfundimtarë efektet do të jenë me uljen e borxhit publik dhe jo me rritjen, sepse bëhet fjalë për investime kapitale, jo për huazim të parave për shpenzim dhe transferime sociale dhe kështu me rradhë. E dini, në ndërtimtari, parat së paku tre herë sillen. Nuk pres të kemi ndonjë implikim në këto parametra, veçanërisht pasi fatura e parë do të duhej të arrijë në fillim të vitit 2027. Do të kemi periudhë mospagimi (grejs period) ku do të mund ta zhvillojmë dhe rrisim BPV-në që të mos vijmë në situatë që të rritet borxhi publik, dhe të mos e ndjek rritja e BDP-së”, deklaroi Hristijan Mickoski, Kryeministër.

“Kjo është ajo për të cilën bëhet fjalë vërtetë, është tërësisht tregim tjetër ajo që flitet se do të pranohen migrantë, nuk bëhet fjalë për të. Dua të jem i qartë në këtë pjesë. Ajo për të cilën kemi marrëveshje është se ky është një partneritet i gjerë në lidhje me sigurinë, tregtinë, mbrojtjen, arsimin dhe investimet . E di se ka shumë spekulime në mediat britanike… Sa u përket vizave, kemi raport të shkëlqyeshëm me këtë shtet, vizat janë kokëdhembje për bizneset britaneze për njerëzit në këtë vend, dhe do të doja si ambasador të punojmë për regjimin e vizave në këto bisedime”, tha Metju Lloson, Ambasador i Britanisë së Madhe.