“Mjaft me mashtrime” – Bajram Rexhepi shpresë e re për banorët në Drenovec

Kandidati për kryetar të Tetovës nga AKI, Bajram Rexhepi, premton se Drenoveci do të jetë një nga prioritetet kryesore në programin e tij zgjedhor. Ai thekson se kërkesat e banorëve për rrugë të rregulluara, ujë të pijshëm, shkollë të pavarur dhe një fushë moderne sportive, nuk do të mbeten më vetëm premtime boshe, njofton Top24

Në deklaratën e tij, Rexhepi thekson:
“📍Në Drenovec nuk ka më vend për mashtrime! Banorët kërkojnë rrugë të rregulluara mbi stadiumin e qytetit, ujë të pijshëm për pjesët periferike, ndarje të shkollës së Drenovecit si subjekt i pavarur dhe një fushë sportive moderne me bar artificial për fëmijët. Ndërkohë, premtimet e pushtetit aktual mbetën në letër ose si improvizime të turpshme. Rruga pranë kazermës e papërfunduar, stadiumi i qytetit i harruar, bulevardi industrial që nuk shpie askund, rrugët e cigllahanës të parregulluara dhe gjimnazi ‘7 Marsi’ i shkatërruar, ku këtë vit, shaku i keqmenaxhimit u regjistruan vetëm 22 nxënës. Me programin #PërTetovënERe, këto kërkesa do të jenë prioritet. #Bashkë sjellim zhvillim të vërtetë, dhe një shpresë të re për Drenovecin. ✅”

Me këtë program, Rexhepi thotë se Tetova do të marrë një drejtim të ri, ku fjalët kthehen në vepra dhe premtimet në realitet.