Mori mësime nga gjyshi i tij, sot organizon kampe safari me kuaj në natyrë

Kemal Demirkaynak, i cili u njoh me kuajt në moshë të re falë gjyshit të tij në Düzce, organizon kampe safari me kuaj në natyrë në të gjithë Türkiyen me grupin që themeloi 3 vjet më parë, raporton Anadolu.

Demirkaynak, i cili vazhdoi interesimin e tij që filloi me gjyshin e tij i cili ishte akrobat me kalë, u bë posedues i kuajve dhe hapi një kurs kalërimi rreth 3 vjet më parë. Ai filloi të organizojë një kamp safari me kuaj në natyrë me 15 kalorës tjerë.

Në grupin që u zgjerua me kalimin e kohës, kalëruesit që vijnë me kuajt e tyre në kampet e organizuara nëpër pllaja, zona të hapura dhe zona bregdetare në krahina të ndryshme, shijojnë kalërimin në natyrë dhe kalojnë kohë së bashku për disa ditë me radhë.

Trajneri i kalërimit dhe mirëmbajtësi i kuajve, Demirkaynak, për Anadolu tha se kuajt e kalorësve që marrin pjesë në kampe janë përgjithësisht kuaj për safari.

Duke përmendur se në kampe marrin pjesë kalorës profesionistë nga Türkiye, Demirkaynak tha se ngjarjet vazhdojnë për 3 vjet, por këtë vit, numri i ngjarjeve është rritur për shkak të intensitetit të kërkesës.

“Ne organizojmë kampe në pllajat dhe plazhet e Düzces dhe provincave të tjera. Düzce me natyrën e saj është një zonë shumë e përshtatshme për këtë. Pas periudhës së COVID-19, qytetarët filluan të rrisin kuaj në fermat e tyre dhe u përhap kalërimi. Kemi komunitete në të gjithë Türkiyen. Kur organizojmë kampe në të gjithë vendin, ka njerëz që vijnë në kamp me kuajt e tyre, ose marrin kuaj me qira që jepen në kampe”, tha Demirkaynak.