Një thirrje për zgjedhjet e së dielës: ku (nuk)duhet çuar vota e muslimanëve

Orë para votimeve të së dielës, një platformë është hapur së fundi nga një grup besimtarësh muslimanë, e cila synon të orientojë votën diktuar nga një zhvillim i kohëve të fundit që ka si kryefjalë Gazën – https://themuslimvote.al/

Krejt paimagjinueshëm, në raport me partneritetin e ngushtë të kryeministrit Rama me Turqinë dhe personalisht me presidentin e saj Erdogan, ai merr një kahje të fortë në mbështetje të shtetit sionist hebre, që pas 7 tetorit 2023, njëherësh duke sulmuar rezistencën palestineze – Hamasin – të etiketuar prej tij si nazist. E bën këtë teksa Izraeli po bën qartazi, në injorim të çdo ligji ndërkombëtar, atë që nazistët bën mbi hebrenjtë.

Ky zhvillim delikat pothuajse nuk u trajtua fare gjatë fushatës, ku në asnjë studio televizive ku Rama ishte i ftuar, gazetarë infantilë dhe aprofesionalë, kinse analistë, nuk denjuan të pyesin për këtë kahmarrje të tij ndaj Izraelit teksa e gjithë qeverisja e tij dhe ai kishin për suport të fortë Turqinë, madje dhe në dy krizat e para pak viteve – tërmetin dhe pandeminë. Duhej ta pyesnin edhe në emër të një pozicionimi që injoronte paq ndjesitë e muslimanëve të Shqipërisë për atë që po ndodh me muslimanët në Gaza, gjenocodin ndaj tyre për arsye thellësisht dhe thelbësisht fetare.

Ndaj, kjo platformë synon që ta orientojë votën muslimanë në dielën si ndëshkim për Ramën, duke mos e votuar atë e duke zgjedhur për të votuar të tjerë emra, përgjithësisht nga alternativat e reja.

Linku: https://themuslimvote.al/