Pohimi: “Izraeli po përgatitet për një masakër të madhe, pa zë dhe imazh”
Izraeli vrau gazetarë të Al Jazeera-s për të parandaluar mbulimin e masakrës së madhe që planifikon të kryejë, tha të hënën drejtori i Spitalit Al-Shifa.
“Pushtimi izraelit po përgatitet për një masakër të madhe në Gaza, por këtë herë pa zë dhe imazh”, tha Dr. Mohammed Abu Salmiya për Agjencinë Anadolu.
“Ai dëshiron të vrasë dhe zhvendosë sa më shumë palestinezë në Qytetin e Gazës, por këtë herë pa zërin e Anas, Mohamed, Al Jazeera dhe të gjitha kanaleve satelitore”, shtoi ai.
Ushtria izraelite shënjestroi një tendë gazetarësh pranë Spitalit Al-Shifa në pjesën perëndimore të Qytetit të Gazës të dielën vonë, duke vrarë pesë gazetarë, përfshirë korrespondentët e Al Jazeera-s Anas al-Sharif dhe Mohamed Qraiqea, tha zyra e medias.
Zyra e Medias në Gaza tha se numri i gazetarëve të vrarë që nga fillimi i gjenocidit izraelit në Gaza më 7 tetor 2023, është rritur në 237, pasi Sharif dhe Qraiqea u vranë, së bashku me tre gazetarë të tjerë. /tesheshi.com/
