Pohimi shokues i një hebreu sionist në median izraelite

Një anëtar i parlamentit izraelit dhe përfaqësues i Partisë radikale të djathtë Sioniste, Zvi Sukkot, deklaroi së fundmi drejtpërdrejt në televizion se Izraeli vrau më shumë se njëqind banorë të Gazës brenda natës dhe se askush nuk u interesua.

Konkretisht, gjatë një debati në Kanalin 12 të Izraelit me komentatorin Chaim Levinson, Sukkot deklaroi se forcat izraelite janë në gjendje të veprojnë në disa sektorë në të njëjtën kohë.

Ai shtoi se ata janë në gjendje të përdorin forcën që ai as nuk mund ta imagjinonte kur u formua kjo qeveri më shumë se dy vjet më parë.

“Pothuajse 100 banorë të Gazës u vranë mbrëmë. Dhe pyetja që më bëtë nuk ka të bëjë fare me Gazën. A e dini pse? Sepse askush nuk interesohet. Të gjithë janë mësuar tashmë me faktin se mund të vrasim 100 njerëz në Gaza brenda një nate në mes të një lufte dhe askush nuk interesohet”, tha Sukkot.

Ai aludoi qartë për faktin se zhvillimet në luftë, të cilat dikur do të kishin shkaktuar një stuhi të madhe si brenda Izraelit ashtu edhe në botë, tani po kalojnë pa ndonjë reagim domethënës, raporton Times of Israel. /tesheshi.com/