Protesta në New York bën thirrje për lirimin e studentëve të ndaluar që kritikojnë Izraelin

Protestuesit janë tubuar në New York për të shprehur solidaritet me studentët Rumeysa Ozturk, Mahmoud Khalil dhe Badar Khan Suri, të cilët po mbahen në qendrat e paraburgimit të imigracionit në SHBA, raporton Anadolu.

Studenti i Universitetit Columbia, Mahmoud Khalil dhe studentja nga Universiteti Tufts, Rumeysa Ozturk, u arrestuan së fundmi për qëndrimin e tyre pro-Palestinës. Studenti i diplomuar i Universitetit Georgetown, Badar Khan Suri, u arrestua me akuza të ngjashme.

Studentët në të gjithë SHBA-në, shtetas apo jo-shtetas amerikanë, kanë ushtruar të drejtën e tyre për të demonstruar dhe për të folur kundër luftës së Izraelit në Gaza, e cila ka vrarë të paktën 50.600 palestinezë që nga 7 tetori i vitit 2023.

Sipas sekretarit të Shtetit të SHBA-së, Marco Rubio, afër 300 viza studentore janë revokuar, i cili tha: “Sa herë që gjej një nga këta të çmendur, ua heq vizat”.