Salih Murat i revoltuar: Turp t’ju vije, fëmija i uritur në Gazë nuk është tragjedi më e vogël se një fëmijë i uritur kudo!
Deputeti i Frontit Europian, Salih Murat ka reaguar pasi në Kuvend nuk kaloi kërkesa për debat për ndihma në Gazë, njofton Top24.mk
“Humanizmi selektiv dhe kollapsi moral në Kuvendin e Maqedonisë
Si deputet dhe bashkëpropozes i rezolutës së refuzuar për Gazën
Vetëm 16 deputetë votuan për ndihmë humanitare për Gazën. 16 nga 120.
Rezoluta kërkonte gjëra elementare: ushqim dhe ilaçe për fëmijët që po vdesin nga uria. Asgjë më shumë, asgjë më pak.
77 deputetë zgjodhën të heshtin ndërsa fëmijët po vdesin.
Kjo nuk është politikë. Kjo është çnjerëzim.
Maqedonia është ndërtuar mbi tradita antifashiste. Sot deputetët tanë zgjodhën anën e gabuar të historisë.
Humanizmi selektiv nuk është humanizëm – kjo është hipokrīzi.
Ndihma humanitare nuk njeh gjeopolitikë. Fëmija i uritur në Gazë nuk është tragjedi më e vogël se fëmija i uritur kudo.
Turp t’ju vijë.
Historia do t’ju mbajë mend për atë se si reaguat kur njerëzimi u vu në provë.
Maqedonia meriton më mirë se kjo falimentim moral”, shkruan Murat.
