Sekretariati për kulturë në BDI: Sulejman Rushiti, në kundërshtim të plotë me ligjin, në cilësinë e drejtorit të Teatrit të Gostivarit, ka angazhuar djalin e tij me kontratë vepre në institucionin që ai vetë e udhëheq
Sekretariati për kulturë në BDI përmes një deklarate publike ka akuzuar drejtorin e teatrit të Gostivarit, Sulejman Rushiti se në kundërshtim të plotë me ligjin, në cilësinë e drejtorit të Teatrit të Gostivarit, ka angazhuar djalin e tij me kontratë vepre në institucionin që ai vetë e udhëheq. Ky akt përbën shkelje të hapur të dispozitave ligjore që ndalojnë punësimin ose angazhimin e të afërmve në institucionet publike ku drejtuesi ushtron funksionin e tij, shkruan Top24
Sipas sekretariatit të BDI-së, neni 56 i ligjit thekson se
(1) Personi zyrtar nuk lejohet të ushtrojë ndikim për punësimin ose avancimin e një personi të afërt në organin ku është zgjedhur ose emëruar, si dhe në ndonjë organ tjetër shtetëror, ndërmarrje publike, institucion publik ose subjekt tjetër juridik që disponon me kapital shtetëror, mbi të cilin mbikëqyrje ushtron organi në të cilin personi është zgjedhur ose emëruar.
