Presidenti francez Emmanuel Macron njoftoi se vendi i tij do ta njohë Palestinën si shtet të pavarur dhe sovran, duke deklaruar se do ta bëjë njoftimin solemn në Asamblenë e Përgjithshme të Kombeve të Bashkuara në shtator.
“Ne jemi besnikë ndaj angazhimit tonë historik për një paqe të drejtë dhe të qëndrueshme në Lindjen e Mesme. Kam marrë vendimin që Franca të njohë shtetin e Palestinës”, shkroi Macron në rrjetin social X.
Në vazhdim të postimit, ai theksoi nevojën urgjente për t’i dhënë fund konfliktit në Gaza dhe për t’u ofruar ndihmë civilëve:
“Paqja është e mundur. Është e nevojshme të shpallet menjëherë një armëpushim, të lirohen të gjithë pengjet dhe të ofrohet ndihmë masive humanitare për popullsinë e Gazës“, tha ai.
Macron theksoi se paqja afatgjatë është e mundur vetëm me demilitarizimin e Hamasit dhe stabilizimin e Gazës, si dhe krijimin e një shteti të qëndrueshëm palestinez që do ta njohë Izraelin dhe do të kontribuojë në sigurinë e të gjithë Lindjes së Mesme.
“Është e nevojshme të ndërtohet një shtet i qëndrueshëm i Palestinës – një shtet që pranon demilitarizimin dhe njohjen e plotë të Izraelit. Kjo është e vetmja mënyrë për stabilitet dhe siguri në rajon. Populli francez dëshiron paqe”, theksoi ai.
Ai shtoi se përgjegjësia tani i takon Francës, por edhe izraelitëve, palestinezëve dhe partnerëve ndërkombëtarë dhe evropianë, për të treguar se paqja është e arritshme.
“Në dritën e angazhimeve që më ka bërë Presidenti i Autoritetit Palestinez, i kam dërguar një letër ku shpreh vendosmërinë time për të ecur përpara. Nevojiten besim, qartësi dhe angazhim. Ne do të arrijmë paqen”, përfundoi presidenti francez.
Ky vendim nga Macron u pasua nga reagime të ashpra prej Izraelit, me gjuhën e çmendur të Netanyahu-t.
“Një shtet palestinez në këto kushte do të ishte një trampolinë për shkatërrimin e Izraelit – jo për të jetuar në paqe pranë tij. Le të jemi të qartë: palestinezët nuk po kërkojnë një shtet pranë Izraelit; ata po kërkojnë një shtet në vend të Izraelit”, shkroi ky Hitler aktual sionist.
Por para se Netanyahu të fliste, mbërriti reagimi i ministrit të Çështjeve të Diasporës të Izraelit, Amichai Chikli. Ai ndau një video në rrjetin social X në të cilën Macron goditet nga gruaja e tij Brigitte.
“President Macron, ky është një reagim më i përshtatshëm ndaj njohjes suaj të Palestinës si shtet i pavarur”, shkroi Chickli.
Një mesazh i ngjashëm, së bashku me një video identike, u postua edhe nga Yonatan Urich, këshilltar për median i kryeministrit izraelit Benjamin Netanyahu.
“Ekziston vetëm një shtet nga lumi në det”, shkroi Urich.
Dhe paralel me Izraelin, reagoi ashpër dhe aleati i tij i madh që po e mbështet në gjenocid, SHBA-ja.
Sekretari i Shtetit i SHBA-së, Marco Rubio, tha të enjten se Uashingtoni ka hedhur poshtë planin e presidentit francez Emmanuel Macron për të njohur një shtet palestinez, duke e quajtur një “vendim të pamatur”.
“Ky vendim i pamatur i shërben vetëm propagandës së Hamasit dhe pengon paqen”, shkroi Rubio në një postim në rrjetin social X.
Kujtojmë se deri më sot, të paktën 142 vende e kanë njohur shtetin palestinez, sipas AFP. Shtetet e Bashkuara dhe Izraeli e kundërshtojnë fuqimisht një projekt të tillë. /tesheshi.com/
