Trump njofton heqjen e sanksioneve ndaj Sirisë pas takimit me presidentin Erdoğan
“Pas takimit me Mohammed bin Salman dhe presidentin Erdoğan, ne po i heqim sanksionet ndaj Sirisë në mënyrë që ata të mund të bëjnë një fillim të ri”, tha presidenti amerikan Trump
Kuds
Presidenti i SHBA-së, Donald Trump, ka bërë të ditur se ka zhvilluar një takim me presidentin e Sirisë, Ahmed Shara, dhe se pas bisedimeve me presidentin turk, Recep Tayyip Erdoğan, ka vendosur të heqë sanksionet ndaj Sirisë, transmeton Anadolu.
Gjatë turit të tij në Lindjen e Mesme, Trump foli në hapjen e Samitit Këshilli i Bashkëpunimit të Gjirit-SHBA në kryeqytetin saudit Riad.
Trump deklaroi se pas takimit me princin e kurorës të Arabisë Saudite, Mohammed bin Salman, dhe presidentin Erdoğan, SHBA-ja do të heqë të gjitha sanksionet ndaj Sirisë për t’i dhënë këtij vendi një mundësi të re.
“Pas takimit me Mohammed bin Salman dhe presidentin Erdoğan, ne po i heqim sanksionet ndaj Sirisë në mënyrë që ata të mund të bëjnë një fillim të ri”, tha Trump duke shtuar se sanksionet në fjalë ishin “të forta dhe shkatërruese”.
Më herët, Trump zhvilloi takim me bin Salmanin dhe presidentin sirian Ahmad al-Sharaa, në të cilën Erdoğan u bashkua onaljn.
Duke iu referuar situatës në Gaza, Trump tha: “Administrata ime dhe shumë njerëz në këtë rajon ndajnë shpresën që populli palestinez në Gaza të ketë një të ardhme të sigurt dhe të dinjitetshme”.
Ai shtoi se të gjithë të burgosurit në Gaza duhet të lirohen si një hap drejt paqes, duke pritur zhvillime pozitive në këtë drejtim.
Trump kritikoi politikat e pasardhësit të tij, Joe Biden, duke pretenduar se ato kanë forcuar Iranin dhe kanë kontribuar në destabilizimin e rajonit.
Ai bëri thirrje për zbatimin e sanksioneve ndaj programit bërthamor të Iranit dhe shprehu dëshirën për një marrëveshje të re me Teheranin, por vetëm nëse Irani ndal mbështetjen e terrorizmit dhe përfundon ambiciet për armë bërthamore.
Trump gjithashtu njoftoi emërimin e mikut të tij Michel Issa si ambasador të SHBA-së në Bejrut, duke e cilësuar këtë si një mundësi historike për Libanin që të ndërtojë një vend paqësor dhe të begattë.
Ai theksoi se dëshiron të zgjerojë Marrëveshjet Abraham, të nënshkruara gjatë mandatit të tij të parë, për normalizimin e marrëdhënieve diplomatike midis Izraelit dhe vendeve arabe në rajon.
