Presidenti i SHBA-së, Donald Trump, ka deklaruar se gjatë mandatit të tij ka ndalur shumicën e luftërave në botë, duke e cilësuar veten si “president i paqes”.
Gjatë një interviste në emisionin “60 Minutes” të CBS, Trump nxori nga xhepi i xhaketës një letër ku ishin të renditura konfliktet që pretendon se kishte përfunduar.
“Janë 8 nga 9 luftërat që i kam përfunduar. Në 60% të rasteve, thashë: nëse nuk ndaloni së luftuari, do të vendos tarifa mbi vendet tuaja dhe nuk do të jeni në gjendje të bëni biznes me SHBA-në”, tha ai.
Në listën e dorës përmenden Kosova dhe Serbia, si dhe Kamboxhia, Tajlanda dhe disa konflikte të tjera që Trump pretendon se i kishte zgjidhur.
Videon e momentit kur Trump tregon letrën mund ta shikoni në minutën 21:09 të intervistës.
