Ushtarët izraelitë shpërthejnë ndërtesën në Gaza për të zbuluar gjininë e një foshnje

Në një shfaqje shqetësuese të mizorisë, një video ka qarkulluar në internet që tregon ushtarë izraelitë mes të qeshura duke hedhur në erë një ndërtesë banimi në Gaza dhe duke përdorur shpërthimin si një marifet për të zbuluar gjininë e një foshnjeje që doli djalë pas tymit të kaltër që u ngrit në qiell, transmeton Anadolu.

Pamjet groteske që thuhet se janë ndarë nga vetë ushtarët në mediat sociale kapën momentin kur një shpërthim i fuqishëm shkatërron një ndërtesë në një zonë civile, me re tymi me ngjyrë të kaltër që ngrihet në qiell, një marifet i shtrembëruar për zbulimin e gjinisë.

Ky akt thekson pandëshkueshmërinë me të cilën forcat izraelite vazhdojnë të veprojnë mes një prej krizave më shkatërruese humanitare të shekullit të 21-të.

Që nga 7 tetori i vitit 2023, sulmet izraelite në Gaza kanë vrarë të paktën 52.500 palestinezë, shumica prej tyre gra dhe fëmijë, si dhe kanë shkatërruar ose dëmtuar rreth 92 për qind të shtëpive të palestinezëve të enklavës.

Ushtria izraelite është mbështetur në buldozerë, bombardime ajrore dhe shpërthime tokësore, me shumë shtëpi të djegura qëllimisht.

Nëntorit e vitit të kaluar, Gjykata Ndërkombëtare Penale lëshoi urdhër-arreste ndaj kryeministrit izraelit, Benjamin Netanyahut dhe ish-ministrit të Mbrojtjes, Yoav Gallant, duke i akuzuar për krime lufte dhe krime kundër njerëzimit. Për luftën në enklavën palestineze, Izraeli gjithashtu përballet me një padi gjenocidi në Gjykatën Ndërkombëtare të Drejtësisë.