Verë e 2010-ës: kur Berisha i futi ruspat Thethit të Jonit
Film i stërparë: si u shndërrua Ksamili në gërmadhë në mes të sezonit turistik
Në Theth, këto ditë po ndodh një lloj filmi që në fakt është parë dhe më herët, ku shteti kujtohet të ndihet shtet pas një urdhëri kinse shtetbërës, që në fakt vijon të jetë një mbrapshti shtetërore ndaj shtetasve të vetë pa asnjë shenjë se do i vijë fundi. Shpresohej se do i jepte fund Rama, dashnor i vetëshpallur i shtetit, por e thelloi më keq.
Sot është koha për të kujtuar sa e sa aksione të tilla të së kaluarës, jo të pakta dhe nën qeverisjen e PD-së, ku veçon Ksamili.
Thethi i Jonit, nëse mund ta bëjmë këtë krahasim, do përballej si tani në 2010, pra në mes të sezonit, me një aksion prishjesh në masë ndërtimesh pa leje, duke e shndërruar në pak ditë perlën turistike të jugut shqiptar në një terren gërmadhash, me afro 200 ndërtime të rrafshuara nga ruspat e IKMT-së së kohës, drejtuar nga Gjergj Bojaxhi.
Nuk ishte turizmi që është sot aty, por gjithsesi namin Ksamili e kishte jo të vogël.
Vitet që pasuan nisi të rehabilitohej gjithçka. Në pak vite u zhdukën gjurmët e atij aksioni që nuk u morr vesh se ç’synim kishte, pasi gjithçka u rinërtua. Berisha as që i komentoi prishjet, por veç i urdhëroi ato. Ndërsa banorët e atyshëm reaguan si sot në Theth, mes tyre dhe një ish-kryetar komune nga PD-ja. /tesheshi.com/
