Vrasja në Prizren – Nga QKUK flasin për gjendjen shëndetësore të 10- vjeçares

Një vrasje e rëndë dyshohet se ka ndodhur mëngjesin e sotëm në Prizren, ku dyshohet se babai ka privuar nga jeta njërën nga vajzat e tij derisa ka therur me thikë gruan dhe vajzën tjetër.

Lajmin për Tëvë1 e ka konfirmuar zëdhënësi i policisë për rajonin e Prizrenit, Shaqir Bytyqi.

“Rreth orës 06:00 kemi pranuar informatë se një person është me thikë në dorë në rrugën “Shotë Galica”. Policia ka dal në vendin e ngjarjes, ku ka parë tre persona të lënduar, dhe njëra nga të lënduarat ka ndërruar jetë”, tha ai.

Plagë nga thika ka marrë edhe vajza tjetër e të dyshuarit, e cila është dërguar për trajtim në Qendrën Emergjente në QKUK.

Lidhur me gjendjen e saj shëndetësore, për tëvë1.info ka folur drejtori i QE-së, Naser Syla.

Syla tha se gjendja e saj është stabile.

“Duke u trajtuar është tek ne. Ta shohim pas ekzaminimeve ku do ta dërgojmë. Sipas të gjitha gjasave në ORL do të shkojë”, tha ai.