Zeka i ashpër ndaj sulmeve të Kurtit: Po merret me luftë kundër Klanit e Devollëve, i nënçmon bizneset dhe gazetarët (VIDEO)
Gazetari Milaim Zeka ka kritikuar ashpër sjelljen sulmuese të kryeministrit në detyrë, Albin Kurtit karshi bizneseve dhe gazetarëve, specifikisht kompanisë Devolli.
Sot në emisionin ”Weekend”, ai vlerësoi se Kurti merret me Klanin dhe Devollët dhe i nënçmon gazetarët, si asnjë kryeministër tjetër normal në botë.
”A e kuptoni me çka merret sot Albin Kurti?!”
”Merret me luftë kundër Klanit, Albin Kurti merret sot me luftë kundër Devollëve. A keni dëgju diku në botë një kryeministër normal me e shajtë një biznesmen?”
”Kush hap vende të punës në Kosovë? – Albin Kurti apo Devollët, apo të gjithë biznesmenët tjerë”.
”Ky ua ka bërë jetën ferr bizneseve në Kosovë, i ka shkatërru dhe jetën ferr gazetarëve, i nënçmon gazetarët”, u shpreh tutje Zeka.
