Zeqirja Ibrahimi fyen Vjosa Osmanin, Elisa Spiropalin, Ditmir Bushatin dhe të tjerët pasi reaguan për Kumanovën, i quan “telall”
Kryetari i Alternativës, Zeqirja Ibrahimi përmes një postimi ka hedhur akuza ndaj kryetarit të BDI-së, Ali Ahmeti duke e akuzuar ate për skenar për rastin e Kumanovës ku u brohorit kundër shqiptarëve. Sikur të mos mjaftohej me kaq Zeqirja Ibrahimi i ofendoi edhe përfaqësuesit diplomatik më të lartë të Kosovës dhe Shqipërisë duke përfshirë këtu edhe presidenten Vjosa Osmani, kryeparlamentaren shqiptare Elisa Spiropali, ish ministrin e punëve të jashtme Ditmir Bushatin sidhe shumë figura politike nga rajoni duk i përmbledhur si telall, shkruan Top24
Kujdes!
Ali Ahmeti është në kërkim të kurbaneve për t’u kthyer në pushtet
Pasi që dështoi skenari për të prodhuar incident ndëretnik nga ndeshja e basketbollit, për çka nuk ndihmuan as telallët e ndryshëm gjithandej, sepse kjo qeveri jo vetëm që e dënoi ngjarjen, siç nuk ndodhte në 22 vjetët e fundit, por tashmë autorët e thirrjeve antishqiptare janë vënë nën hetime, Ali Ahmeti – i dëshpëruar – kërkon një rast tjetër që të inskenojë një incident ndëretnik, krejt kjo me qëllim që të mund të shkaktojë një krizë e cila atë dhe Nongrata Grubin i kthen në pushtet.
Prandaj dua t’u bëj thirrje të rinjve shqiptarë që të mos bien viktima të pasionit të Soravisë për pushtet dhe të kenë kujdes, sepse atij nuk i dhimbset nëna shqiptare që do ta qajë djalin e saj nëse ai dhe Nongrata Grubi kthehen në pushtet. Këtë e ka dëshmuar disa herë dhe nuk kemi nevojë për asnjë provë më shumë. E mbajmë mend mirë se kur nënat shqiptare vajtonin, ministrat e Soravisë luanin futboll në qeveri.
Kujdes!
